شكلها كويس.. بس هاتحتاج مجهود كبير عشان تنتشر زى غيرها من انواع المنتديات فى بدايتهم
لكن كامقارنة بينها وبين mybb انا عن نفسى مش هاقدر اقارن لأنى ماجربتهاش
بس بصراحة mybb فى بينى وبينها عمار

هى بتفكرنى بالـ اى بى بى فى بدايتها 1.3.1 فاينال
بس انا باتوقع ليها انتشار علشان إم كيه بورتال هايضمها كمنتدى اساسى مع كل الإصدارات القادمه
وانا برضه لسه حابب ماى بى بى أكتر

ماظنش ان فكرة ضمها للـ mk portal هايكون سبب فى انتشارها
لأنه ايضا بيضم mybb ومع ذلك عمره ماكن له دخل فى نشرها
لكن السبب اللى ممكن يساعدهم, هو الفاينل لوك يعنى لو عملوا شوية اضافات كتيرة
وكلها حاجات للتجميل ده هايساعدهم وبالذات فى العالم العربى
لأن للأسف عندنا مش عمليين وبيهتموا لجمال الشكل اكتر من ثبات النسخة وامانها

مقتبس من Pepo
لأن للأسف عندنا مش عمليين وبيهتموا لجمال الشكل اكتر من ثبات النسخة وامانها

فى دى انت معاك حق
احنا دايما بنميل للمظهر اهم من الجوهر
بس هل فعلاً ماى بى بى أمان بدرجه كفاية زى أى بى بى؟

هاقولك على حاجة صغيرة
هات جهاز كومبيوتر جديد, ونزل فيه نسخة ويندوز اوريجنال وثبتها على الجهاز
وبعدها ابدأ حط تعريفات الجهاز وبس
بعدها استعمل الجهاز ده سنة كاملة, طبعا استخدامات افتراضيات الويندوز
زى برامج الورد والأكسيل, والفيديو والأغانى, الخ
طول السنة عمرك ماهتلاحظ اى بطء فى جهازك او هاتضطر انك تعيد تثبيت النسخة من الأول.
هات جهاز تانى, وحط عليه نسخة ويندوز جامدة زى اللى بنشوف اصدار جديد ليها كل يوم تحت مسميات مختلفة زى ويندوز Spirite
اللى بينزل معاها 60 ثيم, و 35 برنامج
وكل اما يقابلك برنامج جديد بيغير شكل سطح المكتب او شكل الماوس او الأيكونات, نزله
النسخة دى مش هاتكمل معاك شهر وهاتنزلها من الأول.
مافيش حاجة على الأنترنت اسمها امان بنسبة 100%
لأن الهاكر او الأختراق ليس له حدود, والذى يعملوا على برمجة اسكريبتات المنتديات بشر, وجل من لا يسهوا.
وعشان ماطولش اكتر من كده من غير ماجاوب سؤالك
mybb فى نظرى, وخاصة بالنسبة لنا احنا كاعرب هى امان اكثر من اى نوع منتدى اخر
لأنها مش مشهورة, مش منتشرة, ثغرتها والحمد لله, دائما بتكتشف قبل اما تستغل
ولو كنت حاضر mybb 1.2.3 تقريبا, النسخة دى نزلت يومين او تلاتة, وبعدها على طول نزل الأصدار 1.2.4
عشان ترقيع امنى! تخيل مدى السرعة فى سد الثغرات قبل اما حد يكتشفها ويخترق اى من منتدياتنا؟
وفى كل الأحوال, ايا كان نوع المنتدى الذى تستخدمه, لو استخدامك خاطئ وغاوى تخلى منتداك مستنقع تجارب لكل الهاكات الجديدة
يبقة انسى فكرة الأمان. وطبعا انا مش بوجه الكلام ده ليك
انا بتكلم بصفة عامة, وللجميع, دائما ابتعد عن الهاكات التى يمكنك الأستغناء عنها
او المشكوك بأمرها, او التى تبدوا غير مريحة, مثل هاكات الأهدائات, هاكات الشات.
اغلب هذه الهاكات ضررها اكثر من نفعها.

مقتبس من Pepo
ماظنش ان فكرة ضمها للـ mk portal هايكون سبب فى انتشارها
لأنه ايضا بيضم mybb ومع ذلك عمره ماكن له دخل فى نشرها
لكن السبب اللى ممكن يساعدهم, هو الفاينل لوك يعنى لو عملوا شوية اضافات كتيرة
وكلها حاجات للتجميل ده هايساعدهم وبالذات فى العالم العربى
لأن للأسف عندنا مش عمليين وبيهتموا لجمال الشكل اكتر من ثبات النسخة وامانها

انا باقصد ان المنتدى هايكون من ضمن ملفات الاصدار القادم للمجله
يعنى انت تنزل المجلة هاتلاقى المنتدى ايضا تم تنصيبه

اها لا كده الوضع اختلف
اظن فعلا ده هايكون عامل كبير لأنتشار هذه المنتديات

والله هو فعلا بدأ ينتشر بس بارغم من إنى باستعمل الـ mkportal فى المنتدى بتاعى بس أنا فعلاً بافضل إستخدام الـ mybb وخصوصاً بعد الوقت الكبير اللى أنا قضيته فى عمل الإستايلات المختلفة.