س: ايه الشبه بين الجرنال والشمس ؟؟

ج : الاتنين بيطلعوا الصبح

س: ايه الشبه بين التفاح والكمثرى ؟؟

ج : الاتنين مش جوافة

س: ايه الشبه بين الصعيدي الذكي وسوبر مان ؟؟

ج : الاتنين خيال علمي

***********

س: ايه الفرق بين الصحراء.. وايام الاسبوع.. وموس لورد ؟؟

ج : الصحراء مفيهاش حد
ايام الاسبوع فيها حد واحد
موس لورد فيه حدين

***********

س: واحد وقع من الدور التاسع لقى ايه ؟؟

ج : لقى مصرعه

س: واحد وقع من الدور العاشر لقى ايه ؟؟

ج : لقى حتفه

***********

س: ليه الأرنب مبيعديش من قدام القهوة ؟؟

ج : بيخاف من السحلب المكار


س: دكتور أسنان ارتكب جريمة يسجنوه فين ؟؟

ج : في سجنال تو

***********

س: ليه نابليون كان بيقعد قدام التلاجة ؟؟

ج : عشان يستنى حملة فريزر

***********

س: ايه هي قمة الادب ؟؟

ج : انك تخبط على التلاجة قبل متفتحها


س: ايه هي قمة الصبر ؟؟

ج : انك تستنى حد يفتحلك


س: ايه هي قمة الدهشة ؟؟

ج : حد يفتحلك فعلا

***********

س: إيه وجه الشبه بين الحلاق وجورباتشوف ؟

ج : الإتنين بيتعاملوا مع الروس

س: إيه وجه الشبه بين القمر وصينية البطاطس ؟

ج : الإتنين ميتعملوش عصير مانجا

***********

س: إيه العلاقة بين الكمبيوتر والحفرة ؟

ج : الكمبيوتر حاسب آلى
أما الحفرة حاسب لتقع

س: ليه في الأرجنتين مش بيزرعوا تين ؟

ج : لأنها من الدول اللا تينية

***********
س: إيه الفرق بين الليمون والزيتون ؟؟

ج : الأولاني بيتعمل منه لاموناتة والتاني مابيتعملش منه زاتوناتة

س: إيه الفرق بين الزمالك والشامبو البرت بلاس ؟؟

ج : البرت بلاس اتنين فى واحد لكن الزمالك اتنين فى عبد الواحد

حلوه الاسئله منك بس والله تعبت علي ما عرفت اقرا من لون الفونط بتاعك بجد

جمييييله
شكرا ليك

مقتبس من GraVe

س: إيه الفرق بين الزمالك والشامبو البرت بلاس ؟؟

ج : البرت بلاس اتنين فى واحد لكن الزمالك اتنين فى عبد الواحد

هى من ناحية أسئلة رخمة فانا معاك هى مش رخمة هى رخمة جدااااااااااا
بس خلت الواحد يضحك من كتر رخمتها
وياعمونا لسه بدرى شوية على (عبد الواحد)
داحنا لسه كأس أفريقيا مبردش كلها أسبوع وترجع ريما

شكرا على موضوعك

تقبل مروري

مع محبتي
عاشقه الغروب

جميلة